郭富城(城城)昨日以大使身份出席馬場活動,今年聖誕城城打算留港陪伴家人,對於指他以400萬哄妻,為他追生男B,城城聞言有點不悅,直斥傳聞荒謬,又指婚姻與生兒育女不能用錢計算,現在有兩位女兒已經心滿意足。
問城城的馬匹有沒有落場,他表示:「冇,今次國際賽,自己隻馬仲進步中,希望將來有機會,(早幾天剛拉完頭馬?)係呀,非常開心,跑咗6次贏咗3次冠軍和三個亞軍。(是否女兒帶來好運?)當然啦。」他又笑說:「大女性格好似我,經常都拉住我叫我帶佢去玩,所以自己都盡量爭取多啲時間,自己開車同佢出去。」
指婚姻與生育不能用錢計算
提到聖誕節將至,城城稱兩個女兒還很小,所以不會離開香港,打算留港慶祝,提到有傳聞指,為了鼓勵太太追生男B,城城送上50萬元愛馬仕包包,若兒子出生,還能拿到400萬獎金。對此,城城帶點不悅回應:「呢啲都係作出嚟嘅,鍾意寫咩就寫咩,我覺得婚姻同小孩,唔係用錢嚟計算,咁樣報道好有問題,我依家有兩個小朋已經好開心,冇考慮過要再追生,覺得傳聞好荒謬。」