張寶兒(Bowie)、莊思敏、孫慧雪、李君妍等,今日出席新一輯美容節目的拜神儀式。談到李佳芯(Ali)因政見問題,被無綫雪藏及飛走她演《兒科醫生》(前名:兒童醫院),並安排Bowie頂替其角色。Bowie則否認執Ali二攤,指3個月前已知演此角色。
即將拍攝《兒科醫生》的Bowie稱,這是她入行以來戲分最重的角色,有傳是頂替「視后」Ali,她說看到報道後也嚇一跳:「我睇報紙時有啲震驚,因為個角色我3個月前已經接咗,呢段時間都有去準備。我覺得我同Ali好唔同,佢係一個好有經驗嘅藝人,我好難取代佢。」
封鍾嘉欣做女神
劇中飾演醫生的Bowie指,為今次角色做了不少準備:「我演麻醉科醫生,要學插喉、幫小朋友打點滴,今日下午我就會跟一位醫生練習。」據知,很久未拍劇的鍾嘉欣會參演此劇,Bowie很期待與她合作:「鍾嘉欣係我一直以嚟嘅女神,圍讀時看見佢真係好開心,能夠同佢一齊工作,都算還咗個心願。」