林子博太太去年病逝，他身兼母職照顧一對仔女。一個月前，子博透露為遵從亡妻遺願，決定帶仔女到英國生活，並以餘生好好栽培他們。子博在社交平台分享YouTube片段，大談自己在英國近一個月的近況︰「實不相瞞，嚟咗呢度一個月，小朋友係仲未返學，我仲住緊酒店。」林子博透露正身處曼徹斯特市一間酒店，數日後便會轉到Airbnb。「初頭諗住搵酒店落腳，揀咗曼城，英國第二大城市，倫敦住唔起，住酒店同時諗住搵租盤，原來呢度嘅業主唔係隨便租單位俾人，要睇你有冇工作證明。就算你交一年租金，呢度業主都未必肯租俾你。」子博說，因為未找到地方租住，沒有住址證明，令小朋友未能上學。