近年演唱會門票愈來愈難買，其中張敬軒的門票也是一票難求系列。下月軒仔到澳門開騷，由於反應熱烈，於是主辦單位亦應詢眾要求，決定加開一場。軒仔在自己IG出post，話今次是他第一次在澳門開四面台，見大家反應好，所以決定搵幾首sidetrack在演唱會上唱俾大家聽。
軒仔應歌迷要求唱sidetrack，固然開心，但要做到人人買到飛，就真係神仙都難救。事關加場門票公開發售的一刻，已經搞到網絡大塞車，歌迷在網上不停留言話「入唔到個網」、「買唔到飛」，隨後主辦單位宣佈門票售罄。有歌迷就喺軒仔IG留言：「加十場都買唔到」、「給個機會讓我為你花錢得唔得」、「又撲唔到飛，好嬲」。
不過，若然大家有假期，又不介意去遠一點的馬來西亞雲頂，不妨考慮飛到馬來西亞看軒仔，據知還有少量門票呢！
