武漢肺炎肆虐，新聞又好，網上討論也好，都圍繞住這個病。日前《一屋後生仔》找來有醫生資格的郭田葰和大家解構武漢肺炎。郭田葰在節目中提到個人衛生是由內到外，他指出不少人忽略了內在的個人衛生。他說︰「一個人點樣衛生都好，一樣有病毒入侵，一定要有好嘅免疫系統……好多人唔知我哋免疫系統係由大腸而嚟，如果腸道健康，七成免疫系統都好好。」他又指每年打流感針係必須的，他指打完可能仍會生病，但病發的徵狀也會大大減低。
他在節目中又教大家分辨傷風和流感︰「普通傷風，係得頸上嘅徵狀，聲沙、流鼻水、咳、鼻塞呀咁，呢啲係冇性命危險嘅，一年有兩、三次傷風係正常。如果係流感，就會發燒、周身骨痛。」他又指病毒是要靠自己的免疫系統打敗，如果是細菌，才需要服食抗生素。
對於武漢肺炎，他說︰「其實冠狀病毒係一個好大嘅term，由普通傷風，到沙士、中東呼吸綜合症都係冠狀病毒，但沙士、中東呼吸綜合症係變種，而武漢呢個就係新型……當大家面對一啲新嘅病毒，大家係未有抵抗力，如果不幸感染到，身體係需要兩、三個星期先可以打敗到，先製造到抗體。」他續說道︰「一個病毒係一個好原始生物，佢自己係生存唔到，只可以寄居係個宿主到，佢先可以繁殖到，嚴格來講，佢係唔想個宿主死，係想共存。不過，呢樣嘢係唔屬於我哋身體，免疫系統就會攻擊佢，令到大家發燒。」他又指科學家要拆解病毒DNA，找出病毒DNA的弱點，找到的話就可以研發藥物阻止，他形容這是一場漫長的追逐戰，因為病毒不停有變種。
本身在澳洲做急症室醫生的他，09年透過選港男入行，近年更為不少醫學講座擔任主講者，又有不少商演等等，吸金能力絕對不遜於醫生，同時他也不忘宣揚醫療資訊。
