鄭中基(Ronald)和強尼等昨日出席保險品牌活動。近年把重心放在演戲的Ronald,表示即將會推出一張重唱專輯。問他為何有此計劃,他笑稱:「以前唱得唔好。」席間他又分享惹怒老婆余思敏的方法。
去年Ronald演繹主演的電視劇主題曲,大受歡迎,更入圍頒獎禮「我最喜愛的男歌手」五強,不少歌迷都想他多唱歌。他說:「準備出一隻新歌加精選專輯,因為之前演唱會聽到意見,話依家唱好似比舊時好聽,我就覺得奇怪,可能因為我之前唱得唔太好。」Ronald指,人成熟了對歌曲也會有不同唱法,所以希望重新演繹這批歌曲。
Hea答挑戰老婆EQ
Ronald最近招募網民投稿,題目是「十萬個惹火女友的理由」,他跟老婆余思敏恩愛多年,問他如何避過激嬲老婆,他反而笑說:「我覺得最簡單就係唔留心聽佢哋講嘢,然後就哦…嗯…好…咁hea住回答,咁樣佢哋一定嬲。」他又指老婆會刻意問問題,測試有沒有留心在聽,他續說:「呢啲真係唔容易應付。」