側田一連兩場紅館個唱，於昨晚完美落幕，側田更兩度encore。今次個唱，側田一開場便坐在棺材上，從高處吊下來，以倒敘方式去記錄他的人生。其間他更化身300磅大肥佬，應是指自己退休後大吃大喝，不用再為外表而keep fit。
其中一個部份側田以光頭示人，並以王子造型與一眾dancer載歌載舞。接著舞台播出影片，側田化身做死神及凡人，換了衫的側田拿起道具電話說：「阿女，Daddy對你唔住，冇陪你長大、保護你，但我係一世最愛係你。」令人懷疑他已經升呢做老竇。事後他搞笑表示「我準備好就會公開講。」又笑言平日很少帶囡囡出街。側田之後解說道︰「其實嗰Part係一個比喻，劇情嚟嘅。呢Part我真係好認真，點知我一講『喂』，觀眾又『喂』，搞到我都塞窒。」
在演唱會上，他特意多謝第一個飛他的女友，他稱沒有對方的傷害，也不會開始作曲：「當時受咗重傷，失去咗瞓身愛人嘅軟件，但容易受傷係福氣。」完騷後，側田表示會到中山、廣州及悉尼演出，問到是否會帶住副棺材周圍走，他說其他地方可能未必接受，屆時會改用韆鞦。
