郭富城(城城)昨日出席《Everyone Can Dance with Aaron Shark》活動,與一眾小朋友齊跳此曲的「城城版」。城城稱,大女Chantelle深得其遺傳,愛唱歌和跳舞﹔身為兩女之父的他又說暫未打算追男B,對於與太太方媛被拍到夜遊公園,城城自覺是一件很浪漫的事。
問到城城有否教授Chantelle跳舞唱歌,他表示:「當然有啦,囡囡學得好好、好快,可能有我嘅基因啦,佢未到兩歲已經好定神,已經睇住原版,俾我知道原來小朋友都有神曲,我嘅粉絲好多為人父母,所以韓國邀請我跳Aaron版嘅時候,我唔使考慮就答應。」城城透露,Chantelle現在有上音樂班,「雖然囡囡只有兩歲,不過對音樂有好大興趣,可能同我嘅遺傳有關係,佢會跟住我唱歌,感覺非常開心。」
未有計劃追男B
問到城城會否追個男B,他坦言:「目前對我嚟講,兩個非常滿足,將來未有計劃追B。」提到早前被拍到與太太到公園拍拖,城城甜笑回應:「因為11月先有新電影開鏡,拍電影時係屋企時間比較少,所以趁得閒多啲陪屋企人同太太。關於公園嘅事,我覺得幾浪漫,平常都會咁做,大家響公園見到我,其實係好正常嘅事。」