吳若希(Jinny)、王君馨(Grace)、汪明荃(阿姐)等,昨日於電視城出席遊戲節目錄影,提到政府宣布向每位年滿18歲的香港永久性居民,派發1萬港元紓困,阿姐大表贊成,更說:「收咗貨先!」而多日留家休息的Grace,就稱很享受與夫相處的時間。
阿姐希望可以盡快收到1萬元︰「個心都定啲,收咗貨先!大家都坐咗兩個幾月,想快啲!」她又指,抗疫基金幫到不同界別的人士:「粵劇界早排申請咗1,500萬元,今次預算案有幫補作用,歡迎康文署表演場地減租。」
王君馨享受過二人世界
Grace自從上部劇集拍攝完畢,已經一個多月沒有與公眾見面,她笑說:「為咗今日錄影,噚晚興奮到有啲失眠。」現在多了時間在家的Grace指,自己正在研究素食煮法,希望吃得健康之餘,又可以保護環境,並坦言:「同老公多咗相處嘅時間,依家會一齊煮飯洗碗,別有一番樂趣。」
吳若希與女兒放風箏勾起回憶
Jinny指,日前收到消息女兒4月中才開學,可幸的是她和丈夫的工作時間都比較自由,可以在家陪女兒,她說:「好感恩多咗時間同囡囡培養感情。」Jinny自爆日前與丈夫帶女兒去放風箏,令她重拾了兒時回憶:「我細個放過幾次風箏,都唔成功,今次同老公帶埋個女去放,一樣唔成功,睇住老公跑嚟跑去,都幾好笑。」