Ad Block Ad Block
MIRROR
2021-09-23 23:19:00

MIRROR│Anson Lo新歌《Megahit》有幾難填? 黃偉文話你知

分享:

MIRROR成員盧瀚霆(Anson Lo)新歌《Megahit》MV日前推出,歌曲搶佔音樂平台的第一位,在MV中,教主chok爆落力跳舞,又碌人情卡搵嚟鄭欣宜、阿Dee@ERROR、鄭中基等出鏡。填詞人黃偉文(Wyman)在IG指歌曲是近10年最難寫嘅作品,他昨日在網上詳盡解釋今次《Megahit》的填詞難度。

Wyman在社交平台親自分析今次填詞難度。

Wyman在社交平台親自分析今次填詞難度。

像聲字考起Wyman

Wyman指今次是一首跳舞歌,字數又多又密都不太難,而是 demo 裡原有的英文「像聲字」出現得特別頻繁,他說︰「直分佈在全曲各個重要位置,仿彿有好多塊不能移動的大石頭。」他舉例說道︰「Boom Boom Boom 只得四粒音之後就是 Bang Bang Bang,換言之,填詞人只得四個字把這兩組像聲字有意思地連貫起來(還未說到那些散佈世界各地五步一樓十步一閣的Uh-Oh Uh-Oh Uh-Oh 和口哨聲),即是說,詞人『可填』的地方很少,又要保存像聲字在它們原有天然的位置而又要 make sense ,已是一種難度。中英不斷轉換時,還要發音順口意思流暢。 」

Uh-Oh Uh-Oh Uh-Oh很洗腦,聽得過癮,但令填詞難度大大提高。

Uh-Oh Uh-Oh Uh-Oh很洗腦,聽得過癮,但令填詞難度大大提高。

曾要求Anson Lo放棄部份像聲字

Wyman稱英文的像聲字也因押韻而限制了選擇,為了令聽眾聽到這首歌覺得順耳,他曾一度向監製及Anson Lo問到「唔keep晒所有像聲步份得唔得」、「必要時唔要一啲,填埋廣東話,就易寫好多,story-telling 方面又無咁多限制,咁又好唔好?」但Anson Lo認真覆道︰「但如果keep得晒,排舞會好排啲得意啲,隻舞出嚟一定會好睇好多喎。」

他直言:「想滿足晒佢所有願望,就辛苦啲都Keep晒所有Boom Boom Bang Bang了(唔只咁,一不做二不休,去盡啲,送多個『乒鈴嘭唥』畀你賀賀佢添)!不敢說成果怎樣怎樣,但都盡力了,希望大家喜歡這個通過『碰撞』而產生進步、產生愛的故事,無論在歌裏歌外。」

相關新聞︰

Anson Lo新歌MV鄭中基欣宜阿Dee驚喜現身  獲黃偉文寫近10年最難作品

Anson Lo多謝Wyman這份詞。

Anson Lo多謝Wyman這份詞。

請接受以下私隱政策及免責聲明,以示你同意am730內之私隱政策及免責聲明。了解更多
接受