陳豪(阿Mo)昨日出席講座，分享生意經。他說：「今次機會好難得，可以同大家分享自己嘅夢想，點樣開到首間實體咖啡店。」他謂由夢想、創業至今，中間遇過不少挫敗，但從沒有放棄。提到實體店的生意，他說︰「so far so good」，又謂有空更會落場幫手沖咖啡。
陳茵媺近日不停在網上放閃，夫妻十分恩愛。
阿Mo指，咖啡店試業兩個月至今收益不錯，人流比預期中好，並已有計劃開設分店，他續說：「其實做生意肯定唔會只有一間舖，已經有唔少商場接觸我哋，我哋都構思緊，下一間新舖應該響邊度開。」至於店舖正式開張日子，陳豪稱「睇情況」，就連商場也在等吉日。
上一套劇集剛拍攝完畢，阿Mo指，近日可以多點時間陪伴家人：「其實我唔拍戲嘅時候，就係陪下屋企人，你哋都知道我有好多baby，我嘅咖啡店、子女呀，仲有老婆。我平時都要教小朋友學寫字，帶佢哋做運動，都係一啲好好嘅親子活動。(會教子女煮咖啡嗎？)哈哈，等佢哋再大一啲先啦，唔係搞壞我嘅工具點算呀！」阿Mo又稱，正準備和陳茵媺去每年一度的蜜月之旅，「地點當然要保持神祕。」