兩公婆之間多咗個Ian攬枕，老公真係幾尷尬。
睇住老婆向另一個男人撒嬌，的確幾無癮。
人氣男團MIRROR俘虜萬千女生的心，鏡粉年齡層從學生、媽咪級到長者都有，上周六(3日)有網民在Facebook開設了「我老婆嫁左比Mirror導致婚姻破裂關注組」，讓一群老公男友們大吐苦水，圍爐取暖。不過，群組的消息被公開後，大量老婆湧入群組，連被老公埋怨的經理人花姐(黃慧君)亦已加入群組，更追住po睇到唔瞓覺。
花姐自爆已經入組，大讚老公男友留言好可愛，睇到唔捨得瞓
花姐曾在《調教你MIRROR》表示，老公曾因她太關心MIRROR而感不滿。
群組開設不足3日，已有逾7萬人加入，不少老公紛紛上載相片「鬥慘」，最普遍是老婆更改電話screen相片，以鏡仔如姜濤、柳應廷(Jer)的靚相取代老公或夫妻的合照；有老公指上載Ian(陳卓賢)的攬枕，留言稱「你地夠我激？我訓係(瞓喺)個男人隔離。#老婆Ian粉 #個cusion係我犯賤turn(氹)老婆生日整既」；有老公上載老婆看《大叔的愛》的情況，訴苦寫著：「我老婆一路睇大叔的愛男友視角一路好嗲咁講係呀好痛整親呀！可以點做好？」同時，亦有老公改姜濤的《蒙著嘴說愛你》歌詞，留言，「How to say I love you, 屋企裡有個姦夫。」
不少「鏡粉」老婆更改電話screen相片，人氣王姜濤是熱門選擇。
有老婆將夫妻合照換了Jer的靚相，老公感到不是味兒。
有老公搞笑地表示，擔心「爵屎」老婆叫佢扮Edan。
群組老公們熱烈討論，而花姐的丈夫更被推舉為最應該不滿MIRROR的老公，有網民發文寫著：「天下間最不滿MIRROR嘅老公，花姐嘅生生第二的話應該冇人敢認第一」#希望各位鏡仔聽聽話話 #多謝魯生金生花姐之餘 #都要多謝花姐屋企人成就花姐 #令咁多人搵返睇電視同追星嘅樂趣」花姐老公有否入組暫時不得知曉，而花姐則自爆已經入組，她在IG的限時動態寫著：「其實d老公男朋友們好可愛，睇d post睇到唔捨得瞓」由於已有大量老婆入組，有網民建議入組前要回答關於汽車、高達、足球等男士問題，以作篩選；更有老公索性話「等造星4女團出世就大反擊，我要追星我要迷女我要課金我要追巴士。」