藝人莊思明昨日乘坐國泰航空飛曼谷時，表示想借筆填入境表時，多次按服務燈被無視。事後她除了向更高級職員反映問題外，更在社交平台撰寫千字文，又在IG限時動態分享該班航機的機艙服務員內部名單，令不少網民質疑她有洩露他人私隱之嫌。
而香港航空下午則在Facebook發文：「#港航筆 了解你需要？」，宣傳一個獎品是「香港航空限量版筆」的有獎遊戲。內文表示：「去旅行搭飛機要搭得安心又放心，最緊要帶咩嘢？褸？頸枕？係要 #帶筆填入境紙呀！嗱！如果有筆，填入境紙嗰陣，就唔駛 #左撳右撳 同四圍望。」
港航在帖文中表示，由即日起至1月11日，跟足步驟參加遊戲，最有創意的15位參加者，即可獲得「香港航空限量版筆」一套。參加者需先讚好帖文， 並留言回答「如果可以贏到港航限量筆，你會用嚟做乜？」並解釋原因，其後再Tag 1位朋友就可完成遊戲。
網民反應熱烈，多個留言表示若中獎會把限量筆送給莊思明： 「如果可以贏到港航限量筆，我會送俾莊思明，等佢唔洗再係咁撳燈都冇人幫佢拎枝筆」、「如果可以贏到港航限量筆，梗係借俾啲俾空姐無視嘅港姐啦，新的一天，期望新的開始珍惜香港」。
