早前與中學教師曾燕紅一同征服珠穆朗瑪峰的物理治療師吳俊霆昨早返抵本港。他指,登山環境非常惡劣,要跨過屍路和在垂死的人面前經過,更曾一度失明和氧氣用盡,跌倒過百次才全身而退,他形容「為咗活命用咗一生嘅氣力」。吳俊霆表示,站在珠峰頂上想起香港的獅子山精神,寄語港人只要齊心追夢,永遠只會愈來愈好。
吳俊霆於上月12日出發遠征珠峰,一圓攀山者的夢想,終於在本月21日成功登頂,成為第四位由南坡登上8,848米的世界第一高峰珠穆朗瑪峰的香港人。他昨日在機場分享攻頂經歷,形容當時環境險惡,「喺負幾十度下雪嘅環境,吹住三號風球,我諗一個正常人就算著咗幾多(裝備),企喺嗰度5分鐘唔郁你就會死亡」,在過程中目睹4名同時出發攻頂的人的屍首,亦親眼看見垂死的人在面前而自己卻束手無策,「係真真正正要檻過啲屍體先上到去」。
眼角膜發炎要「盲住落山」
吳俊霆又因為沒有戴雪鏡,登頂後因風雪強吹致眼角膜發炎,短暫失明,需要「盲住落山」。他形容,「為咗活命用咗一生嘅氣力」,跌跌撞撞才能活著下山。過程中,只能依靠協助登山的雪巴人(響導),他說:「我直頭係遞隻腳出嚟,個雪巴人話左定右,就唔理喇,就踩啦,一踩原來踩錯嘅,一跌跌成三、四米,雪巴人就用條繩索扯住我……我諗我跌咗一百次以上。」
他又指,由於其中一名雪巴人在登山途中不適折返,令後備氧氣樽少了4支,回程時氧氣不足,與同行雪巴人「跪住地咁爬落山」,幸得路過的雪巴人,將剩餘的一支氧氣樽給他,才能順利下山。