有網民在過去周日於黃金泳灘徑遇上長長車龍。(網民Chung Chung@FB群組「屯門公路塞車關注組」)
近月香港各個郊野景點，每到周末或長假期就會變得水洩不通。有網民日前在社交網站提出，在假日駕駛到景點時，連同等車位時間往往需時一、兩小時，認為倒不如放棄駕駛、改乘的士，「何必浪費曬啲寶貴光陰……有充裕時間活動，何樂而不為呢。」
事主上載的相片可見，在掃管笏黃金泳灘徑當時出現長長的車龍，包括3輛新界的士。他被網民問到搭的士與駕駛的分別時，直言「起馬(碼)唔洗(使)等位，1(一)到步(埗)就落車。」有網民亦認同，「講得啱！假日揸車更加唔方便」、「揸車唔辛苦好處多，但淨係搵位一樣就已經抵過晒開車嘅好處」
有留言就比較兩者之分，認為搭的士雖然「揮揮手就上車，到左(咗)就落車唔洗(使)搵位」，但並非隨手都截到車，尤其是假日的郊區，而塞車時都不知應否落車，「落又要(有)排未到目的地，唔落睇住係錶跳但又唔郁車」。該網民又說，自己駕駛就不用顧着攜帶多少物品，「可以放係車，有需要先返車攞」，惟塞車時不能棄車、排隊等車位需時，泊車又要錢。該網民認為，兩者沒有絕對好與不好，「睇自己衡量」。
另外，有網民就提到既然一眾遊人前往遠離市區的地方「都係想享受大自然」，倒不如用腳落地步行，「好過塞住呢頭既(嘅)居民。」
