廿四孝父母見樓價及息口低，幫愛女出首期助上車，斥578萬元買荃灣映日灣一房連租約戶。
樓價持續低位徘徊，加上拆息回落，置業成本下降，有廿四孝父母趁機幫愛女入市。中原地產荃灣海之戀分行高級資深分區營業經理伍潔玲表示，分行新近促成荃灣映日灣1座低層H室二手成交，單位實用面積327方呎，屬一房間隔，內附發展商原裝配置，內櫳裝修企理，景觀享內園泳池景。單位原先叫價600萬元，日前減兩口價合共22萬元，以578萬元連租約易手，實用平均呎價17,676元。
買家冇睇樓照買 上手6年賺8萬
伍潔玲稱，新買家為父母客，見樓價及拆息已重返低位，於是買樓給愛女上車自用，將會資助首期，並由女兒負責供樓。由於上址現時附連租約，不設睇樓，新買家透過業主提供的相片參考，見內部裝修及價錢合適，即拍板買入，先收租待約滿後自用。據了解，原業主於2019年9月以569.9萬元買入上址持，持貨6年，現帳面僅升值8.1萬元或1.4%。
立即更新/下載AM730手機APP 體驗升級功能
