文具佬中環店推出全場買滿100元即享九折、200元即享八折的執笠優惠，一件不留地清貨。(am730記者攝)
文具佬生活百貨以較經濟實惠的價錢售賣多款Chiikawa精品，吸引很多市民定期「巡舖」，不過今年內接連有分店結業，繼馬鞍山及石門租約期滿關閉後，最新輪到位於中環德輔道中分店亦「再度」結業。
文具佬今日(12日)在社交專頁Facebook宣布，「我哋嘅中環分店又再租約期滿，要同大家講聲多謝同再見」，同時推出全場買滿100元即享九折、200元即享八折的執笠優惠，一件不留地清貨。
文具佬此前已在中環開設分店，但在兩年前因業主「心雄」加租而結業，其後才搬到現址重開，但如今因「業主直頭不考慮續租俾我哋」而再度結業，在該店窗外亦貼上「租約期滿」、「清貨優惠」等字眼。
中環租金「貴到離譜」
文具佬表示，「中環係香港心臟地帶，地標位置、租金貴到離譜。業主一向心雄，唔係加租就係唔續約」。至於兩年前的中環分店，前業主在文具佬結業後一直未有新租客，只能租予作散貨場，形容「場景都幾唏噓」。
該店指出，「香港依家市道麻麻，人流唔見晒，消費亦謹慎咗」，審視過目前情況，中環區暫時不會考慮重開分店，「每次兩年合約一完，就要執一次，洗一次裝修錢，條數計唔掂」。
立即更新/下載AM730手機APP 體驗升級功能
