網上熱話｜油麻地「廁所劏房」業主索租2700元 網民感震驚斥無良：衰過瞓街｜多圖

行政長官李家超在施政報告指，要多管齊下改善居住環境與房屋問題，不過社會上仍存在不少環境惡劣單位放租。近日網絡上出現一則招租帖文，業主索價2,700元出租單位，帖文寫明「油麻地地鐵站出行半分鐘到」、有冷氣、有廁所、有熱水爐」、「麻雀雖小五臟俱全」。不過從看過單位相片後，原來是個「廁所劏房」。

馬桶近床無廁所板 衛生情況堪憂

放租單位屬於油麻地華德大廈，單位呈長方形，空間相當狹隘。從相片可見，睡床是一張梳化床，靠窗一邊有冷氣機、抽氣扇、馬桶及洗手盤，而馬桶是安裝在沖涼的水槽位置。值得留意，馬桶沒有附上廁所板，住客雖可在馬桶與梳化床之間加裝浴簾，但始終是睡在馬桶旁邊，衛生情況確實堪憂。

⇊直擊單位⇊

網民看過單位相片後，除感到震驚外，更留言直斥業主「無良」、「唔道德」、「仲衰過瞓街」、「真係幾荒謬都有」、「到底要幾折墮先至做到咁賺到盡」。不過亦有網民稱「可悲既係我相信佢會租到出去」、「市道咁差仲開咁高」、「不如業主住一個月」。在網民圍攻下，帖文最終已刪除。