【係愛呀】珍妮花錫錫同志名嘴艾倫

美國女星珍妮花安麗絲頓(Jennifer Aniston)為Apple TV拍攝新劇《晨早直播室》(The Morning Show)即將上架，近日忙於宣傳的她上同志名嘴艾倫迪格納絲(Ellen DeGeneres)清談節目。

兩人講到接吻問題時，珍妮花問到艾倫有冇錫過男人嘴，艾倫話有。之後佢反問珍妮花 : 「你有冇錫過女人嘴？」珍妣花話 : 「我唔會錫女人嘴。」艾倫即向前傾，珍妮花呆一呆，之後大方錫咗艾倫個嘴，即時引得現場觀眾大叫。