【修成正果】真野惠里菜今夏嫁日本國腳

27歲日本女星真野惠里菜，前年憑日劇《逃跑是恥辱但很有用》人氣迅速飆升，今有報道指佢即將嫁俾拍拖年半、效力西甲基達菲嘅25歲國腳柴崎岳。兩人喺2016年經朋友介紹認識後拍拖，雖然分隔日本、西班牙兩地，但冇影響感情。兩人見過雙方家長，朋友都知兩人嘅婚訊。據悉，真野惠里菜婚後唔會引退，卻跟隨柴崎岳到歐洲生活。