【光頭都靚仔】伊藤英明剃頭拍醫生劇

久未有拍劇嘅44歲日本型男伊藤英明，5年前與圈外女友結婚後，專心做住家男人，最近終於復出幕前。

TBS電視台日前宣布開拍由同名漫畫改編嘅劇集《請不要在病房念經》，伊藤英明擔正做主角，佢喺劇中飾演一位僧人又係急救醫生嘅角色松本照円。伊藤仲要剃頭演出。佢話 : 「剪去留咗兩年嘅長髮，其實光頭都好清爽，感覺又新鮮，呢個形象我都好愛。」

另外，男星西島秀俊與內野聖陽主演巳嘅BL劇集《昨日的美食》，因為大受歡迎，東京電視台收到好多粉絲要求拍續集，所以東京台決定拍攝特別版續集，喺明年1月1日播出。