【即時娛樂】李政宰下世想做鄭雨盛

籌備6年、斥資400億韓圜(約3億港元)製作嘅南韓電影《與神同行》，打破早前《屍殺列車》與《軍艦島》嘅製作費用。一眾演員河正宇、車太鉉、朱智勳、金香起、金東昱、李政宰共同出席記招時，被問到若能投胎轉世，下世最想做邊個？車太鉉話要變成自己個仔，盡孝道孝順父母！同鄭雨盛特別老友嘅李政宰話：「如大家所願，我就變成鄭雨盛吧！」車太鉉喺戲中飾演殉職消防員，佢話：「希望觀眾能再次想起父母及家人。」佢透露11歲兒子已睇咗該戲且非常喜歡。《與神同行》將於1月11日喺香港上映。