【即時娛樂】河智苑首登合照悼亡弟

「韓劇女王」河智苑(本名田海林)嘅胞弟田汰遂，周日突然離世，終年33歲，河智苑立即停晒所有工作，以喪主身分為胞弟舉辦喪禮，昨日一早出殯，河智苑難忍悲痛，哭成淚人。佢今日喺IG上載同胞弟生前合照，兩人笑得好開心，河智苑寫道「我最愛的星星汰遂啊」，字裡行間流露住對胞弟的愛。另一張照片則寫上胞弟名字嘅圖畫，上面仲有星星同太陽相伴，並稱胞弟田汰遂係「美麗星星」 ，令人傷感。網民紛紛安慰河智苑「要堅強！加油」。