【即時娛樂】渡邊謙未同小三分手 癌妻嬲爆唔願離婚

日本57歲男星渡邊謙3月被爆暗撻21歲嫩口辣妹長達3年，佢龜縮4個月後開記招，認偷食鞠躬道歉：「會和妻子修復關係，不打算離婚。」但佢記招後閃電出境，冇同曾患乳癌嘅女星老婆南果步見面。近日渡邊謙被日媒爆料，早前同老婆傾緊離婚，但老婆仍嬲緊，且渡邊謙亦未同小三分手，所以老婆唔願簽字。據悉，渡邊謙之前由美國返日本拍大河劇《西鄉殿》，獨自住喺別墅，又唔同劇組人員食飯。而佢將離婚事宜全權交俾經理公司處理，令南果步好心寒。離婚協議目前仍處於膠著狀態。