日本尊尼組合嵐34歲成員相葉雅紀爆出新戀情！雜誌《FLASH》指，近來正忙於巡演嘅佢，昨日(10日)結束福岡演唱會後，立即返回同女友、愛犬同住嘅東京豪宅。由於佢極力保護戀情，直到最近才曝光，據悉雙方已拍拖5年，多年前相葉買下豪宅後，兩人就半同居至今。
據報道，相葉雅紀同來自關西嘅女友都好鍾意小動物，曾於女友生日時送咗一隻Poodle作禮物。據熟悉兩人嘅朋友透露，佢女友擁有可愛大眼，相葉亦已帶佢見過家長，父母對準媳婦好滿意，相葉父親受訪時大方承認兒子有女友，又話相葉雅紀係偶像身分，之前嵐嘅二宮和也、松本潤傳緋聞，fans反應極大！其父又指，相葉雅紀短時期內想結婚都好難。