艾力寶雲與Kate McKinnon在《Saturday Night Live》中分別模仿特朗普及希拉莉，雙雙捧走艾美獎。
美國國家廣播公司(NBC)嘅知名talk show《Saturday Night Live》喺今屆艾美獎同HBO嘅《西部世界》(Westworld)都獲得22項提名，並列本屆獲最多提名嘅節目；而喺頒獎禮上，佢地都捧走多個獎，其中荷李活老牌男星艾力寶雲(Alec Baldwin)，就憑住模仿特朗普人氣高企，更獲得今屆艾美獎最佳喜劇類影集男配角，佢喺台上笑稱要將獎座獻俾特朗普，笑爆全場。