【即時娛樂】長澤雅美爆親密戲內幕

日本女星長澤雅美喺新片《愛上謊言的女人》，同日劇《四重奏》男星高橋一生飾演情侶，片中有不少親密戲，連海報都係兩人赤身共眠。長澤雅美日前為新片宣傳，被問到同高橋一生合作感想。佢透露有一場戲，高橋一生要將手指放入佢口中，查看喉嚨，對方完全冇顧慮，直接就將手指伸入去，令佢好佩服。如果對手太顧忌，就好難飾演情侶。
該戲描述OL川原由加利(長澤雅美)嘅男友小出桔平(高橋一生)係實習醫生，兩人同居5年感情穩定，但有日由加利發現，拍拖5年嘅男友名字、職業全係偽造，由加利決定前往男友老家瀨戶內海搵出真相。