【又走一個】大隻仔溫家偉離開TVB 轉戰新加坡

無綫近月有不少人藝人相繼離開或不獲續約，08年參加港男，現年32歲的「大隻仔」溫家偉亦在IG表示與無綫結束10年賓主關係，轉到新加坡發展。

他日前在IG寫道︰「It’s official!!! My contract with TVB has ended!!!! 首先我想多謝TVB畀咁多機會喺呢10年。如果冇TVB就冇呢一個大隻仔。其實10年過得好快。我仲記得我第一次行入TVB，一個好驚，唔識講中文嘅小朋友。不過因為佢哋，我學識咗好多嘢。我想喺呢度多謝所有監製、導演，同埋任何人幫到我，畀個機會我。希望有一日我哋可以再見面。我會繼續努力喺香港發展。」

溫家偉在TVB的發展平平，參與的劇集角色大多是閒角，最多戲份的要數到《特技人》扮演的「芝麻」，而最為人熟悉的是他主持的《搵食飯團》。至於離巢原因，他坦言想拍劇，但TVB手上工作以飲食節目、綜藝節目為主，大家理念有偏差，洽談了一段時間最後都拉倒了。近年他在新加坡的發展不俗，他在新加坡擔正的劇集《Last Madame》更打破了當地首播收視紀錄！大隻仔有條件向外闖不無道理，他表示在在當地發展順利，還望物色經理人繼續在中、港兩地發展。