早排黃夏蕙同Kevin Boy分別化身做「火燭鬼」同「膠魔人」,為長春社年度大型野外定向比賽拍片做宣傳。大家都知道星星之火,可以燎原,塑膠污染環境,兩者對自然生態有嚴重破壞力。
今次夏蕙BB這個「火燭鬼」就同「膠魔人」Kevin Boy在茶餐廳講數,不停吹噓自己的破壞力爭住認叻,期間更講到拍晒枱兼爆塑膠樽。夏蕙BB更嬲到話︰「我哋一把火就燒晒成座山,你邊有資格呀!我呢5年燒嘅郊野公園,成百年都救唔番。」
大家都知夏蕙BB早前曾經為南山圍被多次燒毀而感到心痛,KB亦都經常拍郊野公園的面貌作呼籲,所以他們希望透過短片眾人之力捍衛大自然美景,以及支持長春社今年的《生態捍衛戰》。