鄧穎芝(Vangie)日前現身中環，與時裝人David Tam，為品牌進行直播宣傳，Vangie表示，受到疫情影響，新開的實體食店生意較受影響，網上食品店則大受歡迎：「依家收入同做歌手時比較，都係差唔多，以前做歌手唱幾首歌就搵到錢，依家要捱幾晚通宵先可以賺到！上星期我去教運動班，工作人員幫我Set咪時有深刻感受，原來依家上台唔係唱歌跳舞，而係教人做運動！雖然我比較少响幕前，不過教運動班、賣食品都係我最愛，希望透過食、運動帶歡樂、正能量比人，呢樣都係香港人目前最需要嘅。」
直播期間Vangie非常雀躍，不時將介紹的貨品「包起」，更擔心心頭好被人買走：「因為我好耐冇行街啦！由7月份開始忙生意，日日都埋頭苦幹開工，都冇時間比自己享受！加上呢一年冇得去旅行，心裡面一直都好壓抑，難得做直播見到咁多嘢可以買，我就好開心啦！」
