黃子恒演技大受正評，更殺入今年的男配最後5強。(發稿)
無綫台慶劇《拳王》將於今晚九點四十五分播出大結局。而昨晚高潮位是葉迎風（黃子恒飾）與海正藍（張振朗飾）的兩師徒對決。因石傲山（黎耀祥飾）出招被逼轉投Gavin Fitness兼擔任出賽代表的迎風，經歷了傲山的地獄式操練後二人惺惺相惜；到了比賽當日，迎風與正藍放下所有包袱落力爭勝，結果迎風打贏正藍，對於迎風打贏正藍，網民認為合理，更指劇情成功打破一般的主角光環宿命。
黃子恒演技大受正評，今年能夠殺入《萬千星輝頒獎典禮2021》最佳男配角五強不無道理。子恒受訪時笑指劇中的操練鏡頭對他來說很有新鮮感：「會去平時唔會去嘅地方操練，例如喺觀塘一條長樓梯度爬落嚟啦，又會單腳跳上去。記得有一場係祥哥喺欣澳拉住我跑，嗰場戲我之前嗰晚只係瞓咗好少就要出外景，嗰日係即時頭暈」他更表示拍劇一定要全力以赴，因為拍出來是一世的。
問到成為男配大熱，子恒謂：「入到五強好感恩，葉迎風對於我就係一個可遇不可求嘅好角色。每個人都會想得獎，但我更加開心係可以做到葉迎風呢個角色。」
大結局除了會交代各人感情去向，正藍與傲山的恩怨亦會正式「埋單」！二人將會在擂台以外的地方埋身肉搏。