賴恩睇波，曉治影相。
美國演員工會罷工，令不少影星額外多了一段時間休息。早前被影到一齊為《死侍3》(Deadpool 3)開工的賴恩雷諾士(Ryan Reynolds)與曉曼(Hugh Jackman)，日前就去睇英格蘭乙組聯賽。自從賴恩做咗域斯咸球隊班主後，球隊闊別職業聯賽15年後重返英乙，昨日見證球隊在首場聯賽輸波，賴恩與曉治睇到非常肉緊，半場結束進入更衣室為隊友打保聚。
荷李活名人當然吸引大批球迷合照。
賴恩除了是球隊班主，仲係車隊老闆。
《死侍3》已拍緊兩位英雄打鬥，但工會罷工下被迫停拍。
做埋F1老闆
賴恩做老闆做上癮，年中宣布成功入股F1車隊Alpine，而Alpine的母公司雷諾亦發聲明車隊出售24%股份予賴恩旗下公司。聲明指賴恩的公司為Alpine帶來很多好處，例如商品、廣告、票務甚至形象，亦名吸納一班新車迷欣賞F1。