Ad Block Ad Block
娛樂
2022-08-27 19:02:59

《淪落人》Crisel開音樂騷晒歌藝 家燕姐捧場想上台唱埋一份

分享:
菲律賓裔演員Crisel Consunji在灣仔會展演出一連三場的《音樂劇的奇幻旅程》。演唱會

菲律賓裔演員Crisel Consunji在灣仔會展演出一連三場的《音樂劇的奇幻旅程》。

憑電影《淪落人》家傭角色奪得2019年金像獎最佳新演員的菲律賓裔演員Crisel Consunji,能演擅唱,她昨晚與同樣唱功了得的王梓軒、胡渭康、Sean Oliver等,在灣仔會展演出一連三場的《音樂劇的奇幻旅程》(The Magic of Musicals)演唱會,薛家燕亦有抽空捧場,更有不少家長帶着子女到場欣賞。

Crisel Consunji早於三個月前才誕下B女,坐月後即投入綵排,為了這次演出,她紮肚收身,昨晚台上展示fit爆身形,穿上不同造型靚裙,加上悅耳歌聲和舞蹈,令觀眾眼前一亮。王梓軒早已預告會有拉奏小提琴的環節,大騷音樂才華,他後段用英文狂rap長約5分鐘的歌詞,完全沒有「𦧲脷」,為觀眾帶來驚喜,胡渭康首次參加音樂劇演出,但他與其他表演者都十分合拍,表現淡定。由於MIRROR 演唱會第4場發生巨型屏幕墮下壓傷舞蹈員意外,昨晚音樂劇的舞台設計簡約,並沒有任何機關,演出者大賣唱功,團隊事前做足綵排,昨晚演出十分順利。

台下的家燕姐看得非常投入,不時隨着節奏拍掌支持,她完騷後更跟Crisel、王梓軒、胡渭康合照互動,並大讚所有表演者演出精采:「呢個騷真係好睇,近年少見,真係好magic。佢哋唱咗好多外國經典歌曲,其實香港有好多有水準嘅表演者,又唱又跳,我坐台下都有衝動上去玩埋一份,我唔睇就真係損失!真係要做多啲呢類騷,咁香港樂壇就可更加國際化。」家燕姐表示Crisel演技毋容置疑,但歌藝原來同樣出色,家燕姐說:「佢把聲靚到不得了,我好鍾意佢把聲。我仲想遲啲搵Crisel做我音樂老師呀。今晚佢換咗好多靚靚造型,直情係舞台個queen。」Crisel聽後笑不攏嘴,她不停多謝,對於首晚的演出,Crisel仍未滿意:「我畀自己80分喇,餘下兩晚,仲有進步空間。」胡渭康感謝家燕姐對音樂劇團隊的加持,他笑言想邀請她上台跳「十字步」。胡渭康謂今次演出團隊都經歷不少困難:「除因疫情影響,演出延期,我哋入台嗰日又掛8號風球,但大家都堅持綵排唔肯走。演出前我其中一位拍檔又中招,rundown又要修改,我有一首歌要cut走,最後修改咗同梓軒有共舞環節,男人浪漫喇!」全晚英文歌演出,有一環節他與梓軒選唱了張學友的經典金曲《怎麼捨得你》和《愛是永恒》。

Ad Block
Crisel Consunji於三個月前才誕下B女,昨晚台上展示fit爆身形。 薛家燕亦有抽空捧場。 Crisel Consunji、王梓軒、胡渭康,在灣仔會展演出一連三場的《音樂劇的奇幻旅程》。 Crisel Consunji、王梓軒、胡渭康,在灣仔會展演出一連三場的《音樂劇的奇幻旅程》。
請接受以下私隱政策及免責聲明,以示你同意am730內之私隱政策及免責聲明。了解更多
接受