《全民造星III》決賽前晚舉行，趙祥誠(Ben)奪冠、陳葦璇及陳毅(Ansonbean)分別獲得亞軍及季軍。由於3人同得17分總分，最終由網上投票分出冠亞季。擔任評判的毛舜筠，全晚對Ansonbean「心心眼」，更大讚3位導師。
Ben得獎後感動得狂哭，並多謝粉絲支持，稱終於完騷可以鬆口氣：「冇諗過自己會贏，名次其實唔重要，已經做到想做嘅事。」而屈居亞軍的璇璇直言自信心低，最意外自己在全民投票上獲得最多人支持。而賽前一致被睇好的Ansonbean，只得季軍，他說：「冇失望，淨係擔心自己表現唔好。」
讚彭秀慧 林二汶專業
全晚對Ansonbean特別偏心眼的毛舜筠，完騷後更在社交網站分享感受，她寫道：「坦白說，這節目最吸引和打動我的，是三位竭盡所能、交出心和真誠去發掘和培育新秀的監制花姐和導師彭秀慧林二汶……我衷心的為花姐和兩位導師感到驕傲！努力、加油！現在才真正是你們踏上星途的開始！ 」賽後毛舜筠重申再投都是選Ansonbean，大讚他唱跳樣都是一粒星，之前就一定揀姜濤，記者指她口味跟老友Do姐相似，她笑說：「一粒星就係咁，佢哋嘅路可以行好遠，相信Ansonbean會唱歌一定識演戲。」
鄧麗欣心情緊張，稱若再揀會投陳葦璇，讚她穩陣有台型。