Ad Block Ad Block
娛樂
2022-07-12 11:41:34

《造星III》冠軍「折骨BEN」推出道歌《粉身碎骨》 拍MV初吊威也克服畏高

分享:
「折骨BEN」自言克服畏高,成就解鎖。 「折骨BEN」為出道歌《粉身碎骨》拍MV,初次吊威也克服畏高。

《全民造星III》冠軍的「折骨舞」稱冠的趙祥誠(BEN)正式加盟寰亞唱片,今年以歌手身份正式出道,推出首支單曲《粉身碎骨》,Ben在新歌MV中除了跳舞,還加入武術元素和,本身畏高的他更挑戰吊威也,成訧解鎖克服恐懼。

新歌壯烈和淒美

BEN說:「《粉身碎骨》呢首歌係講一個人,為咗鍾意嘅人或事去到好盡,甚至粉身碎骨,好壯烈和淒美嘅感覺。第一次聽到首歌嘅Demo時,感覺好舒服,尤其是副歌部份,而且rap嘅詞同我嘅意念和跳舞好有關聯。」第一次擁有真正屬於自己的歌曲和MVBEN表示好興奮,他說:「以前參加比賽時都係團體合作,而今次MV由歌曲到所有場景、服裝,台前幕後都係為我而做,感覺好『正』!我要非常多謝所有工作員和設計今次MV故事嘅團隊,辛苦晒大家!」

Ben在《粉身碎骨》MV中,與女飛賊爭奪寶物。 Ben形容新歌壯烈和淒美。 Ben在新歌MV化身奪寶飛賊。

成就解鎖感興奮

《粉身碎骨》MV中,BEN與女飛賊爭奪寶物,在布置成鳥居的場景大打出手,初嘗吊威也滋味的他說:「下半身被威也戚住,大髀位有啲痛,加上我本身有畏高,心情好緊張。有啲動作以為自己OK,但其實係NG,吊住嘅時候因為手腳都離地,頸和腰都要更加出力,為咗做啱表情,我忘記咗畏高嘅恐懼。雖然吊威也超級難,但自小睇古裝劇、電影、科幻戲,見到演員吊威也,我一直都好想嘗試,今日終於成就解鎖!」

Ben在《粉身碎骨》MV中,加入武術元素。 有舞蹈底子的Ben吊威也克服畏高感興奮。
Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受