「鬼王」潘紹聰領的皇牌節目《恐怖在線》15周年，呈獻哈囉喂劇場《死鬼老婆》。
繼2014年將靈異劇《尋魂記》搬上劇場演出後，潘紹聰以《恐佈在線》經典真人真事鬼故《有心人》作為藍本，改編成劇目《死鬼老婆》，並由恆仔、麥東、童童，並聯同演員梁嘉進和歐芷菲演出。每晚劇目演出完結後，下半場將由「鬼王」潘紹聰隆重登場，將《恐佈在線》搬上舞台，即場舉行分享會，帶來全港首個劇院即場同你講鬼故，全場觀眾可隨時分享靈異經歷，幾百人「一齊聽，一齊驚」。
為配合鬼故元素，早前一眾演員打破禁忌與紙紥公仔排排坐影海報及造型照。Edmond表示想讓大家有「一睇你就明」的效果，他說︰「紙紥公仔令人聯想到同鬼有關，將佢放喺度，無需多講都知係咩事，睇到呢張相會有啲驚。」問到Edmond首次同紙紮公仔影相有何感受？他謂︰「真係第一次咁……close，不過都冇乜嘢嘅。
而被Edmond形容有膽量的童童，她笑指自己看電影《迴魂夜》都會驚，今次要演出鬼故事，她坦言豁了出去︰「我屋企人好鍾意聽Edmond節目，自己就第一次演恐佈故事，都有啲緊張，我屋企人會從旁提點我要注意啲咩。」
至於首次接觸鬼故事的恆仔笑指會做足「防衛」，他說︰「我會同佢（指紙紥公仔）講聲唔好意思先，都會問Edmond有冇啲水（指碌柚葉水）或吉祥物畀我帶住，心靈上有啲保護。」本身是Edmond擁躉的麥東，穿上厚厚毛褸與紙紥公仔並肩而坐，他笑指自己的「毛茸茸」造型浮誇得來有點驚喜，他說︰「着住件褸又冇想像中咁熱，有Edmond喺度都知個主題，我自己又唔係好驚冇毛管戙，反而有點意外個造型都幾match到主題。」
