鄧兆尊
近年鄧兆尊由電視台跳出去，不時為網台節目做嘉賓，除咗同吳家樂主持《娛樂好好玩》之外，仲會同曾志豪、貴花田嘅節目做嘉賓主持。再加埋近來唔少訪問，兆尊曝光率好似仲高過以前做電視。
早前鄧兆尊接受網媒主持Fiona訪問，被問到有咩寄語年青人，有3位「紅顏知己」嘅兆尊梗係同大家講擇偶。「大少」教路識男女朋友嘅話，首先留意一下佢哋屋企。「好重要嘅。究竟佢哋多唔多親戚？多唔多兄弟姊妹？將來影響好大」。另一半要有咩條件，兆尊對男男女女都有一定提議。「男人要搵一個上進嘅，肯做嘢嘅，唔好下下都游手好閑。女仔唔一定要靚嘅，靚就最好啦，最緊要係賢淑，識得體貼你。你留意吓以前嗰啲總理夫人，個個都唔靚㗎。」
雖然兆尊認為男人要上進，但佢亦都認同「男人有錢就身痕」定律。「男人嘅嘢淨係識去搵錢，一搵到錢多，男人好衰，錢多就身痕，身痕嘅話就會出去搞搞震」。Fiona亦隨即追問「咁你算唔算錢多身痕？」，兆尊一貫氣定神閒咁話「唔算啦？痕都痕完啦」。
原文刊登於 Yahoo 娛樂圈
ADVERTISEMENT
【開APP領取】免費換領麥當勞叔叔之家利是封及揮春
