夏文汐仍同前度富商有聯絡三個女都係專業人士無興趣做藝人

夏文汐昨日出席《新聞女王2》慶功宴，她表示非常開心可以參與，問到未來會否再合作，她指佳導有答應她，現正構思一個大家意想不到的劇本。她坦言自己有數場戲份被剪走，那些戲份頗重，但仍感到開心。她說：「唔係一定要去多，最緊要個角色夠突出，俾人有個深刻印象咁就得啦，戲唔戲多都唔緊要，最緊要可以俾我過下戲癮！」

問到若邀請她做主角何會考慮，她說：「自己個年紀無乜能力去做，好似阿佘咁，真係好佩服佢，一日瞓得幾粒鐘又要講大堆嘢，我handle唔到，都係配角好啲！」

早前她在汪曼玲的節目大爆自己未有結過婚，她表示對方看著自己出道：「汪曼玲呷醋，話我同文雋做訪問，我話『你都無問我』，我咪叫佢訪問我囉，之後佢問我有冇勁料，我話有丫！連身邊嘅朋友都唔知，之後幫萬寧問我係咪真，我就話我一直都係單身，只不過係冇人知！節目出街之後，個個都問我係咪真！我都唔講大話嘅！」她表示仍跟三位女兒的父親有聯絡，現時是朋友，大家見面會閒話家常，一齊養育女兒，因為三個女都需要父母的愛。

問到三位女兒有沒有興趣入娛樂圈，一個做醫生、律師，另一個愛煮嘢食，三女性格截然不同。她指雖然三名女兒都愛看電影，但就無人有興趣入行。