楊秀惠非常漂亮。（娛樂組攝）
楊秀惠盛裝打扮出席《保良局周年慈善餐舞會》，久未露面的她以一襲粉紅色長裙示人，身形苗䠷的她完全不像生了三位小朋友。她表示現時很忙，「要照顧三個小朋友，又要兼顧生意」。問到她的事業版圖擴展如何，她謙虛表示因為是網上平台，任何地方的顧客可以上網選購自己喜歡的產品。她又感恩同事們知道她要照顧三位小朋友，所以互相幫忙。
秀惠表示自己一直在香港居住，自己的小朋友也是在香港讀書。問到有沒有戲癮，她說：「暫時冇，小朋友佔據咗我好多時間，所以冇得諗其他嘢！」並稱仍不時跟圈中人聯絡。問到會否再生多一個，她表示一切順其自然，老公也是好隊友幫手湊小朋友。
日日喺公司過夜
問到為何當初轉型做美容生意，她話：「呢個係我嘅興趣，有機會遇到一啲好嘅產品，令到我嘗試去創業。」她直萬事起頭難，自己創業初期又要拍劇、做主持，自己回到公司又要處理業務，經常在自己的公司瞓。
她坦言情況維持了年幾兩年，直至業務開始穩定。她說：「因為我有好多嘢要處理，一拍完嘢，我就返去自己公司，好多時都喺嗰度瞓，一瞓醒就做。（好辛苦！）係，自己鍾意做嘅嘢辛苦啲都冇所謂，而家有一班好好嘅同事幫手。」她又指現在仍是邊學邊做。
楊秀惠回憶創業頭兩年，辛苦得分身不瑕。（娛樂組攝）
ADVERTISEMENT
立即更新/下載AM730手機APP 體驗升級功能
