柯煒林出席品牌活動時親解「走囉」。（娛樂組攝）
柯煒林昨日(23日）到中環出席活動，22日是他的34歲生日，他表示當日跟屋企人過，跟公司同事打邊爐，之後回家跟媽媽一齊過，並透露早上在公司收到兩束花，自己再分拆送給不同人。提到早前他在社交平台留下「走囉」二字，引來網民不同揣測，他直言「頂！激鬼死！因為《大濛》仲爭少少過億，於是就飛過去提早慶祝，有一班影迷朋友，佢哋令到我好感動，香港有好多人錫我，但作為一個台灣新手嚟講，我係冇諗過收到咁多人嘅關心同祝福，所以我嗰一日最尾個一場嘅時候就講咗句，喺社交平台上面覺得有一句說話係台灣人成日講嘅「你嘅情緒有沒有被好好接住」，咁我就講咗句話：『謝謝台灣的觀眾，謝謝你讓我覺得自己有被好好接住。』咪講咗句全台灣有睇過戲嘅人都知道嘅對白囉，咪就係嗰句：『走囉』。」
柯煒林直言俾網民激死，因為「走囉」是對白。（娛樂組攝）
柯煒林續指自己不太喜歡看留言，於是關閉留言功能，豈料弄出一個如此大誤會，「但係完全無人搵我，關我事㗎嘛？無人問經理人，又無人私訊我。大家搵我係有好多方法，就出咗兩個新聞，我心諗『靜啦』，我見到都嚇一嚇，我心諗心情好都搞到心情唔好。依家我宣布對於過份關心我嘅人，我會咬佢哋！（好多人會想俾你咬？）呢啲要求我未聽過！到時我再諗！」他亦希望《大濛》能夠在香港上映。
ADVERTISEMENT
【開APP領取】免費換領麥當勞叔叔之家利是封及揮春
