張學友指「四大天王」代表住一個時代。
《張學友60+巡迴演唱會香港終章》昨晚(24日)於紅館舉行尾場，今次是學友第11度踏上紅館舞台，並創下新紀錄，成為於紅館累積個人演唱會最多的歌手，場次多達203場。學友更high爆encore加唱13首歌，比原定演出唱多45分鐘。
寧願留喺一個美麗嘅回憶
學友在後台接受訪問，完全是有問必答。除了否認自己欠債，健康有毛病外，更談到自己對四大天王的看法。對上一次四大天王合體是2007年，問到會否再合體，他說：「想唔想見到全部都老哂咁樣？點解會想見到老哂？我諗喺大家心目中個『四大天王』係嗰『四大天王』，我成日都話係一個時代嘅唧，過咗之後係你哋成日講，仲邊有四大天王呢件事，其實大家分開去發展，但我唔想停留喺嗰度，同埋我哋無叫自己做『四大天王』，只係當時樂壇係咁。」
學友續指『四大天王』由當時傳媒給予，「可能『四大天王』個名易記啲，咁就做起咗，係代表一個時代嘅嘢，寧願佢留喺一個美麗嘅回憶、感覺。我哋唔係唔見㗎嘛，我哋都成日走出嚟，黎明就離開演唱會、阿王（郭富城）又啱啱做完，大家都做緊。」
四大天王對上一次合體是2007年。
ADVERTISEMENT
【開APP領取】免費換領麥當勞叔叔之家利是封及揮春
