梁嘉琪昨日（26日）出席HOY TV旅遊節目《橫素全中國》首映宴。（娛樂組攝）
梁嘉琪昨日（26日）出席HOY TV旅遊節目《橫素全中國》首映宴，她接受訪問透露表示最近主要的工作是做司儀，以及與李佳芯（Ali）和楊潮凱共同經營新YouTube頻道。被問到三位合作的契機，她笑言：「佢哋兩個係我喺娛樂圈經常會相約聚會見面最多嘅人，好多粉絲都留言問我哋究竟平時有冇咁多嘢傾？」她續指經營新頻道的費用是三人共同自資，不過投資也不算太大，影片主要是以訪談聊天的方式呈現。
梁嘉琪與李佳芯（Ali）和楊潮凱共同經營新YouTube頻道。
透露Ali正在台灣拍戲
至於會否邀請圈中好友擔任新頻道嘉賓，梁嘉琪直言：「本身我哋三個嘅時間都好難遷就，所以都係我哋為主先。我以前主持過《今日VIP》，我好鍾意訪問唔同嘅嘉賓，聽吓人哋嘅故事。」她透露森美亦曾經詢問過她未來發展去向，當時她回答對方：「我同佢講如果我之後搵你，你唔可以推我。」
講到新頻道的發展方向，會否考慮會出外景做街訪，她直言：「我以前就係做街訪出身，當年做過娛樂新聞台，呢個諗法我有同佢哋提出過，其實現階段有好多年輕人都有做呢類型嘅街訪，我都好鍾意睇。」她透露Ali正在台灣拍戲，所以暫時未有時間一起出外景，她續說：「可能會重返我哋自己住嘅屋村，或者去一啲我哋成長嘅地方。」
ADVERTISEMENT
【開APP領取】免費換領麥當勞叔叔之家利是封及揮春
