李家鼎（鼎爺）今日（4日）出席新春賀年預製菜分享會親自下廚。（娛樂組攝）
李家鼎（鼎爺）今日（4日）出席新春賀年預製菜分享會親自下廚，吸引近百市民圍觀，場面非常熱鬧！鼎爺接受訪問指與品牌合作已經幾年，並表示：「我一早寫晒啲食材要用啲乜嘢，最初嘅時候由我親自監工，我試過先可以發售。」講到今年新年如何渡過，他表示要看公司的工作安排為主，並透露最近聲音感到沙啞。
鼎爺透露最近聲音感到沙啞。（娛樂組攝）
揭藝人辛酸
被問到近年指身體不適導致激瘦，鼎爺表示：「我係瘦咗，因為發覺有慢性腸胃炎，會影響食慾。我哋做藝人嘅成日食嘢都唔定時，又唔夠瞓，日積月累，其實中咗招都唔知。」他分享會經常做身體檢查，現時身體狀況良好。
有望參演《愛回家》
至於今年的工作目標，鼎爺希望能夠拍劇，他指拍劇較為舒適。談及是否有意拍《愛·回家之開心速遞》，他表示：「梗係想啦！本來嗰陣時有機會嘅，但係因為黐住拍《阿爺廚房》，所以遷就唔到時間。」談及今年即將踏入80歲，會否考慮搞大壽，他說：「唔好搞呢啲咁嘅嘢。想低調渡過。」
ADVERTISEMENT
【開APP領取】免費換領麥當勞叔叔之家利是封及揮春
