Edan呂爵安和鍾雪瑩在賀歲片《金多寶》首度合作。(林俊源攝)
由金燕玲、鍾雪瑩、呂爵安(Edan)、李尚正及楊詩敏(蝦頭)主演的賀歲片《金多寶》，昨晚(8日)舉行首映。Edan和鍾雪瑩受訪時談到戲中曖昧關係，原來拍攝時一直有誤會，直到宣傳做訪問時才「領悟」，Edan笑指，「我哋收到唔同指引，我覺得係雙向，佢就覺得係單向，但依家發現啱啱好，係導演策略，因為如果鍾雪都雙向，套戲嘅曖昧就太多。」
盼被刪唱K片段變彩蛋
電影中有段一家人唱K的戲，呂爵安就自爆練咗張學友的歌曲︰「我係扮張學友唱歌，但應該剪走咗，希望導演變彩蛋，票房好就俾大家睇。」談到Edan主唱的主題曲，鍾雪瑩和李尚正首度聯合填詞。鍾雪瑩解釋︰「由於我跟阿正經常在的士內對戲，等拍時會同佢傾偈，知道佢對呢方面都有興趣，於是透過網絡，大家花一晚就寫起。」作為詞界前輩，對正爺這位「後輩」有何評價？鍾雪瑩大讚︰「優秀！」
對於跟影后金燕玲合作，鍾雪瑩大讚前輩有親和力，兩人齊齊為唱K戲練歌，呂爵安補充說，「絕對唔係大家想像中咁有氣場，佢係好專業，我自己就合作得好輕鬆，大家真係好似同一位嫲嫲相處咁，好尊敬呢位老人家。」至於跟翁子光導演合作，鍾雪瑩自爆10年前的小秘密︰「我當年係同一班朋友一齊入戲院睇《踏血尋梅》，能夠多年後跟導演翁子光及金燕玲合作，自己都好興奮，我仲專誠邀請一齊睇《踏血尋梅》班朋友嚟睇《金多寶》首映。」
ADVERTISEMENT
【開APP領取】免費換領麥當勞叔叔之家利是封及揮春
