陳凱琳出動92歲婆婆三代同堂拍廣告 現身公屋惹熱議
現年34歲的的2013年港姐冠軍陳凱琳（Grace）近年由藝人轉型做KOL，深受品牌及廣告商喜愛，一直穩坐「吸金女王」寶座。Grace 為搵銀更不時出動老公鄭嘉穎、三個可愛兒子及爸爸媽媽，大賣溫馨家庭樂，日前，她92歲的高齡婆婆亦粉墨登場。
今次三代同堂出動拍片，見陳凱琳現身舊公屋，並憶起童年時在新年探望婆婆的回憶，當中加插了不少童年照，陳凱琳在片中表示：「你可能喺度諗緊我喺呢度做咩。首先等我介紹返，呢一位就係我婆婆，佢今年已經92歲喇！而呢一位小妹妹就係我，琳琳喇。雖然我五歲已經移民咗去加拿大，但係我好記得，有機會新年嘅話呢，我都會嚟探婆婆，仲會拎朱古力俾佢食添啊！雖然細個少咗見面，但我應承佢，大個嘅時候我會陪佢多啲，點不知當我真係返到嚟香港，比之前仲更忙添。」
其後，畫面一轉，陳凱琳到達了婆婆的家，陳凱琳的媽媽負責開門 ，三婆孫齊齊品嚐朱古力，場面溫馨。不過，有網民就指陳凱琳家境富裕，但婆婆竟然住公屋，而片中陳凱琳的童年照再度曝光，惹來網民重提她與龍鳳胎弟弟Derek 的家族基因問題。
ADVERTISEMENT
【開APP領取】免費換領麥當勞叔叔之家利是封及揮春
