林峯攞假與太太愛女享受天倫樂。
林峯與內地模特兒張馨月在2019年註冊結婚，2020年誕下寶貝女Luna，今年囡囡快滿6歲大，遺傳父親chok王本色，在張馨月近日於社交平台公開的照片中可見，隔住口罩的Luna面對鏡頭招積單眼，似足daddy的有型風範。
張馨月宣示主權
林峯近年積極吸金，既展開巡迴演唱會，主演電影亦接連大收，日前阿峯出席《尋秦記》慶功宴時，被問到情人節會否為加長版謝票或到銅鑼灣支持古天樂舉行的簽名會，他當時答︰「我嗰日唔喺香港，我要陪屋企人，我得一個禮拜假，要陪下老婆同個女，屋企人好重要，個幾月唔見會掛住。大部份時間會喺香港！」林峯近放假好好享受天倫樂，日前被網民在香港迪士尼樂園捕獲，他更大方跟途人影合照，身為老婆的張馨月當然要宣示主權，公開一家三口在迪士尼的溫馨全家福，見林峯抱起囡囡又玩騎膊馬，流露出父愛一面。
ADVERTISEMENT
