劉佩玥出席TVB賽馬日。（娛樂組攝）
劉佩玥（Moon）今日到沙田馬場出席TVB賽馬日，Moon表示很開心，又可以跟TVB一班朋友一齊玩。她提到網上有影片紀錄了自己連續兩年與何廣沛、陳曉華、劉穎鏇一齊在看台睇馬，而且必有收穫。Moon說：「就係因為有呢啲不謀而合，所以約定企返埋一齊，係我哋幾個嘅運氣夾埋就會贏錢！（會唔會因為咁樣而家加碼？）唔會！玩少少，攞個意頭！一齊開心！」
問到情人節如何過，她表示會跟陳曉華一齊過，笑謂：「都好sad！哈哈！但都叫做有人約！」
去年Moon與何廣沛、陳曉華及劉穎鏇一齊到看台。
由於外間有傳《中年好聲音4》的「貓女郎」是她，她表示有很多人問她，自己只可以表示「貓女郎」會成功晉級，希望她俾心機，亦大讚參賽者質素很高，更一度說漏咀：「我會做好本分⋯⋯係小fans本份！」
問到Moon有沒有多了唱歌工作，她直認有，「自己唔係一個職業歌手，由13年開始見到我唱歌拍片，又會讚我，今日多人去睇、去聽，於是就多咗客戶搵我，好多謝大家！我都唔敢怠慢，一路去進步，依家扚起心肝去學，希望再多啲人留意我！雖然之前有啲失誤，但係我唔會放棄！」問到會否爭取唱劇集歌，她表示可以考慮，但會裝備好自己先。
ADVERTISEMENT
