《臥底嬌娃》是馬貫東入行20年首套播出的「男一」劇集。 (蘇文傑攝)
TVB新劇《臥底嬌娃》首播前在鑽石山舉行活動造勢，馬貫東入行剛滿20年終止坐正男一，雖然此劇是他第二部擔正劇集，但第一部男一是尚未播出的《死有對証》，故今次對他而言的確意義重大。
馬貫東為新劇《臥底嬌娃》聯同張曦雯、陳瀅、羅毓儀、Yumi學跳女團舞。
跳舞跳到懷疑人生
馬貫東直言：「等做男一嘅機會真係唔容易，但都會一直在學習、進步緊，到現在我終於可以有第一套男一推出，其實都開心，同埋都可以向屋企交代。」談到劇中有不少挑戰，包括有剝衫場面，他笑言：「係呀！除吓衫真係突破，因為我本身好容易肥，喺未知要除衫之前，我體重都180幾、190磅左右，我一知道要除衫就立即做個program出來，點樣減肥、點增肌消脂，但得兩個月時間，出來個效果就差少少，自己都有啲唔係好滿意。」除了減肥，跳舞對他同樣充滿難度，他說：「直頭都跳到懷疑人生呀！」認為記舞步難過記5版紙對白，劇組還安排了排舞師教他們跳舞，直認但我跳舞資質比較差，對不起其餘4位舞伴，形容跳舞難比起拍親熱戲再難少少，問到收視好會否考慮派福利？馬貫東自爆：「我啲腹肌已經唔見晒，因為我體質真係好容易去吸收營養，所以每個禮拜要操3、4次才可保持到身形。」更擺拍檔們上枱，會由他說服3個嬌娃穿兔女郎衫出來派福利，建議可以加埋Yumi鍾柔美穿上兔女郎裝又跳又唱。
做貓奴不強求姻緣
馬貫東近年開設寵物美容店有聲有色，新年他亦有回店鋪照顧貓店長及其他暫託貓貓，而屬虎的阿東高興表示今年終於無犯太歲：「因為我之前好多年都好似有犯太歲，今年好似幾好，但我聽好多師傅都話我無吉星囉！」至於姻緣方面，他表示：「隨緣啦！」又稱家中4隻貓都是他我「女朋友」，落舖又有好多貓貓狗狗陪他玩已感OK，認為感情是無法強求，事業則可以！
ADVERTISEMENT
立即更新 /下載AM730手機APP 體驗升級功能
