田啟文昨日(24日)與余香凝、劉冠廷出席台灣賀歲片《雙囍》香港首映禮，被問到周星馳新戲《少林女足》（或稱《女足》）映期時，田啟文(田雞)表示就如星爺的短片內容，片中的星爺背向鏡頭，員工逐一上前拜年𢭃利市，其間「六師弟」林子聰突然出場，帶同子女一起拜年，並祝賀星爺：「一馬當先，祝你套戲今年大賣！」田啟文坦言，預計今年內上映，「嚟嚟去去都係嗰兩個檔期，仲有乜檔期？」
擔心劉冠廷蝕底
問到可會帶同男主角劉冠廷拜見星爺時，劉冠廷立即瞪大雙眼，表現雀躍，田雞回應：「無問題架，想見咪見吓囉！」劉冠廷聞言，立即合什雙手，連聲道謝：「當然想見！」不過，田啟文笑指連周杰倫跟星爺見面，都要拍片有所貢獻，「我驚佢經理人唔肯，因為通常佢(星爺)會打你荷包，可能要打筋斗之類，驚佢蝕底咗。」
ADVERTISEMENT
立即更新 /下載AM730手機APP 體驗升級功能
