Mango王秀琳小紅書講鄉下話 凍齡有術45歲獲讚似30歲
千禧年代女歌手Mango王秀琳淡出幕前多年，不過不時現身公開場合，舊年更為好友馬天佑嘅新歌《我們甚麼都不是》演出兼合唱。
曾與郭富城傳緋聞
早前由陳百祥、王晶發起的精裝明星足球隊北上湛江作賽，王秀琳都有隨隊參與。幕後人員上載到小紅書片段中，Mango自稱媽媽鄉下係湛江，佢都係半個湛江人，更在鏡頭前講了幾句家鄉話。王秀琳又介紹家鄉美食，例如雞同海鮮都好好味。片主指王秀琳係「玉女掌門人」，不過唔少網民見到Mango都留言提起佢同郭富城緋聞，以及尹天照的「懸案」。年過40的Mango保養得宜，有網民讚嘆佢睇落似30歲。
現年45歲的Mango於2001年以歌手身份出道，曾推出三張唱片，後來參演過多套電視劇同電影。而Mango最為人記得的，可能係佢同郭富城、黃曉明、謝霆鋒傳過緋聞。翻查資料，近年王秀琳不時都會參加精裝明星足球隊活動，去年10月湖北隨州一場比賽佢都有隨行。
值得一提係，同一條片見到王秀琳身後有另一名女藝人王海榛，查實就係王晶導演愛女，前名王子涵。王海榛離開TVB後，於前年9月宣布改用原名發展，早前更加盟Bob林盛斌有份的棋人娛樂。
原文刊登於 Yahoo娛樂圈
ADVERTISEMENT
送健之堂石墨烯艾草暖宮經痛貼
